მამუკა ხაზარაძე თემურ ჭყონიას პოლიტიკაში შემოსათრევად ჩალიჩობს – თემურ ჭყონია იქნება ძალიან კარგი კანდიდატი, უპარტიო, ძალიან კარგი თბილისის მეორბის კანდიდატად

808
წაკითხვა/ნახვა
რეკლამა -------------------- IMG.GE

პარტია „ლელოს“ ლიდერი, მამუკა ხაზარაძე აცხადებს, რომ მისი აზრით, თბილისის მერობის კარგი კანდიდატი ბიზნესმენი თემურ ჭყონია იქნება. ხაზარაძის თქმით, ამაზე ესაუბრა კიდეც ჭყონიას, თუმცა ამბობს: „ვერ დაგიდასტურებთ, რომ მისგან დადებითი პასუხი მივიღე“.

ხაზარაძემ 29 ივნისს ტვ პირველის ეთერში განაცხადა, რომ „ძალიან კარგი იქნება“, ოპოზიცია თბილისის მერობის საერთო კანდიდატზე შეთანხმდეს. „ჩვენ ამისკენ ვისწრაფვით“, – თქვა მან.

„მერობაზე ჩვენ გამოვალთ ისეთი კანდიდატით, რომელიც ძალიან სერიოზულ კონკურენციას გაუწევს [„ქართული ოცნების“ კანდიდატს, სავარაუდოდ, კახი კალაძეს”, – თქვა ხაზარაძემ.

წამყვანმა, ინგა გრიგოლიამ ხაზარაძეს უთხრა, რომ მას აქვს „კულუალური ინფორმაცია“, მერობის კანდიდატობა ბიზნესმენ თემურ ჭყონიას შესთავაზეს და ხაზარაძეს ჰკითხა, ეს მართლაც ასე იყო თუ არა, რაზეც ხაზარაძემ უპასუხა:

„თემურ ჭყონია იქნება ძალიან კარგი კანდიდატი, უპარტიო, ძალიან კარგი“.

„ვფიქრობ, საქმიანი ხალხი რაც უფრო მეტი მოვა, რომელსაც არა აქვს არანაირი პარტიული მიკერძოება და არის თავისუფალი და სულ კრიტიკულად გამოთქვამს და არის ორი უზარმაზარი ამერიკული კორპორაციის წარმატებული ადამიანი“, – განაცხადა ხაზარაძემ და დასძინა.

„მე მქონდა საუბარი. ვერ დაგიდასტურებთ, რომ მისგან დადებითი პასუხი მივიღე“, – განაცხადა მან.

„კახი კალაძე რომ კახი კალაძე იყოს მარტო, შეიძლება მე თვითონ დამეჭირა მხარი, მაგრამ ის არის „ქართული ოცნების“ გენერალური მდივანი, რომლის პარტიამაც ეს ქვეყანა დაშალა“, – აცხადებს ხაზარაძე.

კომენტარები
რეკლამა
მოწონება