IMG.GE ___________________________________ IMG.GE

რუსთავის მერი ირაკლი ტაბაღუა, რეგიონული განვითარებისა და ინფრასტრუქტურის მინისტრის მოადგილე მზია გიორგობიანსა და გაეროს განვითარების პროგრამის წარმომადგენელს შეხვდა.

რუსთავის მერიის ცნობით, შეხვედრაზე, დანიის მთავრობის მიერ დაფინანსებულ, გაეროს განვითარების პროგრამის პროექტზე – „დეცენტრალიზაციისა და კარგი მმართველობის ხელშეწყობა ადგილობრივ დონეზე” ისაუბრეს.

მათი ინფორმაციით, პროექტის მხარდაჭერით, რუსთავის მუნიციპალიტეტმა კომპიუტერული ტექნიკა შეიძინა, რომელიც მერიის სერვისების განვითარებისა და საქმის წარმოების განყოფილებას გადაეცა.

„სერვისების გაუმჯობესებისა და განვითარების კუთხით, რუსთავის მუნიციპალიტეტი დიდი ხანია სხავადასხვა პროგრამაშია ჩართული. რუსთავის მერიის სამსახურების მიერ, მოქალაქეთა მომსახურების გაუმჯობესების მიზნით, ჩვენ უკვე რამდენიმე ეტაპი გავიარეთ. სწორედ ამ მიზნით, გაეროს განვითარების პროგრამისა და რეგიონული განვითარებისა და ინფრასტრუქტურის სამინისტროს დახმარებით, ჩვენს მიერ მოხდა უმაღლესი ხარისხის კომპიუტერული ტექნიკის შეძენა, რაც სერვისების განვითარების პროცესის გაგრძელებაში დაგვეხმარება. ჩვენ მივესალმებით ამ ფაქტს, ვფიქრობ, რომ ამ პროცესში ჩართული იქნება მუნიციპალიტეტის ყველა სამსახური, რომლთაც ვალდებულება აქვთ ხარისხიანად მოემსახურონ რუსთავის მოსახლეობას“, – განაცხადა რუსთავის მერმა ირაკლი ტაბაღუამ.

პროექტი „დეცენტრალიზაციისა და კარგი მმართველობის ხელშეწყობა ადგილობრივ დონეზე“, საქართველოს მუნიციპალიტებებში, ელექტრონული სერვისების განვითარებას და ღია მმართველობის პარტნიორობის ეროვნული სამოქმედო გეგმის განხორციელების ხელშეწყობას ისახავს მიზნად.

კომენტარის დატოვება
IMG.GE
გაზიარება