კახა კუჭავა ევროპული ბიზნეს ასოციაციის წევრებს შეხვდა

184
წაკითხვა/ნახვა
რეკლამა -------------------- IMG.GE

საქართველოს პარლამენტის თავმჯდომარე ევროპული ბიზნეს ასოციაციის წევრებს შეხვდა.

საქართველოს პარლამენტის პრესსამსახურის ინფორმაციით, შეხვედრაზე ყურადღება კერძო სექტორთან მჭიდრო თანამშრომლობისა და კომუნიკაციის გააქტიურებაზე გამახვილდა. ხაზგასმით აღინიშნა, რომ მნიშვნელოვანია, ბიზნეს ასოციაციებმა აქტიური მონაწილეობა მიიღონ კანონშემოქმედებით საქმიანობაში, განსაკუთრებით, ევროკავშირთან ასოცირების ხელშეკრულებით გათვალისწინებული ვალდებულებების შესრულების მიმართულებით.

საუბარი შეეხო გლობალური პანდემიის შედეგად არსებულ გამოწვევებს და ამ გამოწვევებთან გასამკლავებლად, კერძო სექტორთან თანამშრომლობის მნიშვნელობას.

პარლამენტის თავმჯდომარემ კერძო სექტორის წარმომადგენლებს თანამშრომლობისთვის მზაობა კიდევ ერთხელ დაუდასტურა. მისი თქმით, ბიზნეს ასოციაციების წარმომადგენლებთან შეხვედრები რეგულარულად გაგრძელდება.

კომენტარები
რეკლამა
მოწონება