პარტია „ხალხის ძალის“ წევრი თამარ ჩიბურდანიძე სოციალურ ქსელში მიუნხენის კონფერენციას აფასებს.
„სამართალმა პური ჭამა!“- წერს ექსპერტი და აღნიშნავს, რომ აშშ-ს ვიცე-პრეზიდენტმა ევროპა მორალურად გაანადგურა. მისი თქმით, ამერიკის მაღალჩინოსნის მსგავსად, ჩვენი ქვეყანა ელის პასუხებს თუ რატომ არის ევროკავშირში დემოკრატიის უკუსვლა, რატომ დაკარგა ევროპამ უძველესი ღირებულებები და რატომ გახდა მათი მთავარი იარაღი დეზინფორმაცია.
“რა ცუდად დატრიალდა ევროკავშირის ბედის ბორბალი? გამარჯვების ეიფორიით შეპყრობილნი და ამპარტავნებაში ჩავარდნილნი რას წარმოიდგენდნენ, თუ ასე ცოტა ხანში ყველა ცოდვა უკან შეუტრიალდებოდათ? რა დაუნდობელია უფალი უსამართლობის მიმართ?
ამერიკის ვიცე-პრეზიდენტის მსგავსად, ახლა ჩვენ ველით პასუხებს კითხვებზე, რატომ არის ევროკავშირში დემოკრატიის ასეთი უკუსვლა? რატომ დაკარგა ევროპამ უძველესი ღირებულებები და გადაეშვა ლიბერალიზმის ჭაობში? რატომ ერეოდა ევროკავშირი სხვა ქვეყნების შიდა პოლიტიკურ საქმეებში? რატომ გახდა ევროპის მთავარი იარაღი დეზინფორმაცია და სხვა…
მიუნხენის კონფერენციაზე ამერიკის ვიცე-პრეზიდენტმა ევროპა მორალურად გაანადგურა. ასეთი ღირსებააყრილი ევროპა ისტორიას არ ახსოვს. იმედია, ოპოზიციის დელეგაციას გულის წამლები მაინც აქვთ წაღებული?
და ამ შეურაცხყოფილი ევროლიდერების ფონზე, საქართველოს ხელისუფლება რა ამაყად გამოიყურება!
სამართალმა პური ჭამა!”- წერს თამარ ჩიბურდანიძე სოციალურ ქსელში.