ნინო ქათამაძე მისი მოსაზრებების გამო იქნა დაჯარიმებული”– განაცხადა პატრიოტთა ალიანსის მთავარმა მდივანმა ირმა ინაშვილმა “ობიექტივი”-ს ეთერში, როდესაც გამოეხმაურა მომღერალ ნინო ქათამაძისა და სხვა პირების დაჯარიმებას 5000 ლარით, რომლებიც ბათუმში, მოსამართლის სახლთან აქციას მართავდნენ.
“ჩვენ ვნახეთ კადრები, არაფერი კანონდარღვევა იქ არ ყოფილა, იდგა 10-12 ადამიანი და მოსამართლის სახლის წინ მართავდნენ აქციას, სადაც არც ძალადობას ჰქონდა ადგილი, არც დაპირისპირება იყო.
ნინო ქათამაძე არ არის არც მოჩხუბარი, არც კანონდამრღვევი, არც აგრესიული, უბრალოდ, ვიცით, რომ მისი პოლიტიკური სიმპატიები განსხვავებულია. იმის გამო, რომ მას სხვა პოლიტიკური შეხედულება აქვს და სხვა პოლიტიკური ლიდერების თუ პარტიის მიმართ იხრება მისი სიმპატია, არ შეიძლება ამის გამო და მხოლოდ მოსაზრებების გამო იქნეს მიყვანილი სასამართლოში და დაჯარიმებული 5000 ლარით. არ არის ეს ის საქართველო, რაზეც ჩვენ 2011-2012 წლებში იმედებს ვაგებდით”– განაცხადა ირმა ინაშვილმა.