„დონალდ ტრამპმა რამდენიმე წამყვან დემოკრატს, მათ შორის, შეერთებული შტატების ყოფილ სახელმწიფო მდივანს, ენტონი ბლინკენს, მანჰეტენის ოლქის პროკურორს, ელვინ ბრაგს და ნიუ-იორკის გენერალურ პროკურორს ლეტიცია ჯეიმსს, საიდუმლო ინფორმაციაზე დაშვების ნებართვა ჩამოართვა“- ამის შესახებ გამოცემა Dailymail იტყობინება.
ასევე, ეროვნული უსაფრთხოების ყოფილი მრჩეველი ჯეიკ სალივანი, ჯო ბაიდენის გენერალური პროკურორის მოადგილე ლიზა მონაკო და ადვოკატები ენდრიუ ვაისმანი, მარკ ზეიდი და ნორმა ეიზენი იმ პირებს შორის არიან, რომლებსაც ინფორმაციაზე დაშვების ნებართვა გაუუქმდათ.
აღნიშნული ქმედება დონალდ ტრამპის ყოფილმა ადვოკატმა ტიმ პარლატორმა შეაფასა, როგორც “ძირითადად სიმბოლური”.
აქვე, სტატიაში აღნიშნულია, რომ ხსენებული პირები შესაძლოა ვერ შევიდნენ ფედერალურ შენობებში, მათ შორის, სასამართლო დარბაზებში, ციხეებსა და სამართალდამცავ დაწესებულებებში, რაც აფერხებს მათ სამსახურებრივი მოვალეობების შესრულებას.
გადაწყვეტილება მას შემდეგ იქნა მიღებული, რაც დონალდ ტრამპმა ჯო ბაიდენისთვის საიდუმლო ინფორმაციაზე დაშვების ნებართვა გააუქმა.
”არ არის არანაირი საჭიროება, რომ ჯო ბაიდენმა განაგრძოს საიდუმლო ინფორმაციაზე წვდომა“, – დაწერა ტრამპმა პარასკევს Truth Social-ზე.