დამოკიდებულება, რომელიც სამასმა ევროპარლამენტარმა აჩვენა, უპასუხისმგებლო და შეურაცხმყოფელია ჩვენი ხალხის, რომლის 80 პროცენტი ევროპაში გაერთიანების მომხრეა.
23-24 ივნისს დაველოდებით , მანამდე შევინარჩუნებ რეზერვაციას, რომ უფრო მეტი არ ვილაპარაკო. თუ გადაწყვეტილება იქნება ისეთი უსამართლო და შეურაცხმყოველი, მე ვიტოვებ რეზერვაციას, რომ ყველაფერს ფარდას ავხდი და ჩვენ ხალხს ყველაფერს ვეტყვი“- ასე გამოეხმაურა პრემიერ-მინისტრი ევროპარლამენტის მიერ მიღებულ რეზოლუციას და ევროკავშირის წევრობის კანდიდატის სტატუსის მოლოდინებს.
“მათ აჩვენეს სრული უპასუხისმგებლობა ჩვენი ქვეყნისა და მოქალაქეების მიმართ, ეს არის შეურაცხმყოფელი დამოკიდებულება. დაველოდებით 23-24 ივნისს, ის დამოკიდებულება გავიგოთ, თუ რა დამოკიდებულება აქვთ რეალურად ჩვენ ევროპელ, ნამდვილ მეგობრებს ჩვენი ხალხის მიმართ.
ჩვენ თავმოყვარე ერი ვართ, ერთ-ერთი უძველესი ცივილიზაცია მსოფლიოში, უძველესი კულტურით და ჩვენი, ძალიან მაგარი ამაყი ხალხით. ისე ნუ წარმოვაჩნეთ, რომ რაღაცას ვმათხოვრობთ და ვეხვეწებით ვინმეს, ჩვენ არაფერს არ ვითხოვთ დაუმსახურებელს, მაგრამ როდესაც საუბარია “დამსახურებელ გადაწყვეტილებაზე” – მე ვითხოვ სამართლიან დამოკიდებულებას, პატივისცემის გამოხატულებას.
23-24 ივნისს დაველოდებით, მანამდე შევინარჩუნებ რეზერვაციას, რომ უფრო მეტი არ ვილაპარაკო. თუ გადაწყვეტილება იქნება ისეთი უსამართლო და შეურაცხმყოველი, მე ვიტოვებ რეზერვაციას, რომ ყველაფერს ფარდას ავხდი და ჩვენ ხალხს ყველაფერს ვეტყვი”- განაცხადა პრემიერმა ირაკლი ღარიბაშვილმა დღეს, ჟურნალისტებთან საუბრისას.