ხვალ პარლამენტის ბიუროს სხდომაზე წარადგენენ საკანონმდებლო პაკეტს, რომლის მიხედვითაც, კოვიდრეგულაციების დარღვევის გამო დაჯარიმებულ ადამიანებს ამნისტია შეეხებათ

192
წაკითხვა/ნახვა
რეკლამა -------------------- IMG.GE

28 ივნისს, პარლამენტის ბიუროს სხდომაზე წარადგენენ საქართველოს მთავრობის საკანონმდებლო პაკეტს, რომლის მიხედვითაც, პანდემიის გამო დაწესებული შეზღუდვების დამრღვევ პირებს ამნისტია შეეხებათ. დოკუმენტის თანახმად, დაჯარიმებული მოქალაქეები ადმინისტრაციული სახდელისგან და დაკისრებული ჯარიმების გადახდის ვალდებულებისგან გათავისუფლდებიან.

პრემიერ-მინისტრის, ირაკლი ღარიბაშვილის განცხადებით, ამ ინიციატივის ფარგლებში, ამნისტია შეეხება დაახლოებით 245 ათას მოქალაქესა და 344 იურიდიულ პირს.

„საუბარია იზოლაციის, კარანტინისა და პირბადის ტარების წესის გამო დაკისრებულ დაახლოებით 76 მილიონი ლარის გადაუხდელ ჯარიმებზე. ეს გადაწყვეტილება მივიღეთ პანდემიით გამოწვეული მძიმე სოციალურ-ეკონომიკური მდგომარეობის გათვალისწინებით. გვესმის, რომ არაერთი ჩვენი მოქალაქე და ბიზნესი დაზარალდა, 2020 წელი იყო ძალიან რთული და ეს სახდელები მათთვის არის დამატებითი ტვირთი. რა თქმა უნდა, ჩვენ გვესმის, რომ ვირუსის მართვის დროს იყო და არის აუცილებელი რეგულაციების დაცვა, თუმცა ასევე ძალიან მნიშვნელოვანია ჩვენი მოქალაქეების ეკონომიკური მდგომარეობის შემსუბუქება. მადლობას ვუხდი პარლამენტს, გვქონდა კომუნიკაცია მმართველ გუნდთან და ეს ინიციატივა უახლოეს დღეებში იქნება დამტკიცებულია“, – განაცხადა ირაკლი ღარიბაშვილმა 24 ივნისს გამართულ ბრიფინგზე.

კომენტარები
რეკლამა
მოწონება