IMG.GE IMG.GE

„ნაციონალური მოძრაობის” წევრმა,რომან გოცირიძემ მათი ხელისუფლების მაღალჩინოსანი დაკავებიდან რამდენიმე დღეში გაიხსენა.

„როცა კითხვა დამისვით, წარმოდგენა არ მქონდა, უბრალოდ, ვიცოდი, რომ იყო ასეთი ადამიანი, რომლის მიმართაც ჰქონდათ პრეტენზიები. ქართული სასამართლო როგორი ობიექტურია, ვიცით, თუმცა მას ექნება საშუალება, დაიცვას საკუთარი თავი საქართველოს სასამართლოში. ჩვენ დავაკვირდებით პროცესებს. პასუხიმგებლობა, თუ რამე დანაშაულზე ვსაუბრობთ, ეკისრება პირადად მას და ეს უნდა დაადგინოს სასამართლომ. რაც შეეხება პასუხიმგებლობას: პასუხისმგებლობა არის ორნაირი: პოლიტიკური, როდესაც ადამიანები მიდიან პოლიტიკიდან ან აგებენ არჩევნებში და მეორე – პერსონალური, თუ პირმა რაიმე დანაშაული ჩაიდინა“, – განაცხადა რომან გოცირიძემ.

იქამდე, პოლიტიკოსმა დავით ჭაჭუას შესახებ დასმული კითხვის საპასუხოდ, განაცხადა: „მე არ ვიცნობ დავით ჭაკუას, ვინც იცნობს, იმას ჰკითხეთ. გვარი მსმენია, მაგრამ სხვა არაფერი ვიცი მასზე“.

ძებნილ დავით ჭაკუას, რომელიც გერმანიიდან საქართველოში ჩამოიყვანეს, დაუსწრებლად მისჯილი აქვს 3 წლისა და 9 თვის ვადით თავისუფლების აღკვეთა, ჯარიმა და ასევე ჩამორთმეული აქვს სახელმწიფო სამსახურში დანიშვნითი თანამდებობის დაკავების უფლება. პენიტენციურ დაწესებულებაში გადაყვანამდე, დავით ჭაკუა, 21 დღით კარანტინში მოათავსეს.

 

კომენტარის დატოვება
IMG.GE
გაზიარება