IMG.GE IMG.GE ___________________________________ IMG.GE

„მთავარი არხის” ერთ-ერთი მეწილის, ბრალდებულ გიორგი რურუას საქმე დასკვნით ეტაპზეა. როგორც რურუას ადვოკატმა დიმიტრი საძაგლიშვილმა ჟურნალისტებთან განაცხადა, სავარაუდოდ, ივლისის ბოლოს, გიორგი რურუას საქმის განხილვა დასრულდება.

დღევანდელ სასამართლო სხდომაზე დაცვის მხარის წერილობით მტკიცებულებებს გამოიკვლევენ.

„კერძოდ, საქმის მასალებში არსებული წერილობითი დოკუმენტების გამოქვეყნება მოხდება. მოწმეთა დაკითხვა თითქმის დასრულებულია, რამდენიმე მოწმის დაკითხვაა დარჩენილი, რომელთა დაკითხვაც ამ კვირაში მოხდება. მტკიცებულებები ადასტურებს, რომ გიორგი რურუა გაყალბებული ბრალის საფუძველზე იმყოფება პატიმრობაში, მას ცეცხლსასროლი იარაღი “ჩაუდეს”, ვინაიდან ის “მთავარი არხის” ერთ-ერთი დამფუძნებელია და ის იყო ანტისაოკუპაციო აქციების ერთ-ერთი აქტიური მხარდამჭერი და მონაწილე”, – აცხადებს საძაგლიშვილი.

კომენტარის დატოვება
IMG.GE
გაზიარება