ლას-ვეგასში, Trump Hotel-ის წინ საწვავით და ფეიერვერკით სავსე Tesla-ს Cybertruck-ის აფეთქებაში ეჭვმიტანილი მეთიუ ლიველსბერგერის შესახებ პარტია „ხალხის ძალის“ წევრი დავით ქართველიშვილი სოციალურ ქსელში წერს. მისი თქმით, აშშ-ს არმიის სპეციალური ძალების სერჟანტი 2017 წლის სექტემბრიდან 2018 წლის აპრილამდე იმყოფებოდა ავღანეთში. ასევე საქართველოში, კონგოს რესპუბლიკაში და უკრაინაში, თუმცა ამ ქვეყნებში მისი ყოფნის ზუსტი თარიღები და დეტალები ცნობილი არ არის.
„ვინ არის მეთიუ ლიველსბერგერი — აშშ-ს არმიის სპეციალური ძალების სერჟანტი, რომელიც ეჭვმიტანილია Tesla Cybertruck-ის ელექტრომობილის აფეთქებაში ლას-ვეგასის სასტუმროსთან, რომელიც აშშ-ს არჩეულ პრეზიდენტს, დონალდ ტრამპს, ეკუთვნის. USA Today-ის ინფორმაციით, ლიველსბერგერი 2006 წლიდან მსახურობდა შეერთებული შტატების შეიარაღებულ ძალებში და მონაწილეობდა სხვადასხვა საერთაშორისო მისიაში.
2017 წლის სექტემბრიდან 2018 წლის აპრილამდე იგი იმყოფებოდა ავღანეთში. გარდა ამისა, იგი გაგზავნილი იყო საქართველოში, კონგოს რესპუბლიკაში და უკრაინაში, თუმცა ამ ქვეყნებში მისი ყოფნის ზუსტი თარიღები და დეტალები არ არის გამჟღავნებული. ასევე იუწყებიან, რომ ლიველსბერგერი გერმანიაში უკრაინელი სამხედროების გაწვრთნაში მონაწილეობდა და მსახურობდა სპეციალური დანიშნულების 10-ე ჯგუფში. ლას-ვეგასის ინციდენტის დროს იგი შვებულებაში იმყოფებოდა…“ – წერს დავით ქართველიშვილი.