IMG.GE IMG.GE

საქართველოს იუსტიციის უმაღლესი საბჭოს არამოსამართლე წევრის პოზიციაზე განაცხადი, ამ დროისთვის, 6-მა კანდიდატმა შეიტანა. განაცხადის შეტანა კიდევ 2 დღით, 8 ივლისამდე იქნება შესაძლებელი.

ცნობისთვის, საუბარია პოზიციაზე, რომელიც საბჭოში ანა დოლიძეს ეკავა. დოლიძემ იუსტიციის უმაღლესი საბჭოს არამოსამართლე წევრის თანამდებობის დატოვების შესახებ პრეზიდენტს განცხადებით 25 ივნისს მიმართა და ამის შემდეგ პრეზიდენტმა უმაღლესი საბჭოს წევრის შესარჩევი კონკურსი გამოცხადდა.

შეგახსენებთ, არასამთავრობო ორგანიზაციებმა განცხადება გაავრცელეს, სადაც ისინი აღნიშნავდნენ, რომ იმ შემთხვევაში, თუ დოლიძე პოლიტიკურ საქმიანობას აპირებს, თანამდებობა უნდა დატოვოს. იგივე პოზიციაზე იყო საბჭოს კიდევ ერთი არამოსამართლე წევრი, ნაზი ჯანეზაშვილიც, რომელიც აცხადებდა, რომ დოლიძეს თანამდებობა უნდა დაეტოვებინა.

დოლიძის მიმართ თანამდებობის დატოვების მოთხოვნა მას შემდეგ გაჩნდა, რაც მან სამოქალაქო მოძრაობა „ხალხისთვის“ დააფუძნა.

კომენტარის დატოვება
IMG.GE
გაზიარება