მუნიციპალიტეტის ტერიტორიაზე, მეწყერსაშიშ ზონაში არსებული საცხოვრებელი სახლებისა და გზების მიმართ ფერდსამაგრი კედლების მოწყობის ინფრასტრუქტურული სამუშაოები აქტიურ რეჟიმში მიმდინარეობს.
დღეს, ხელვაჩაურის მუნიციპალიტეტის მერმა ზაზა დიასამიძემ, სხვადასხვა ლოკაციაზე ფერდსამაგრი კედლების, გაბიონების მოწყობის სამუშაოები და თხილნარის ადმინისტრაციულ ერთეულში აგარის დაწყებითი სკოლის რეაბილიტაციის სამუშაოები დაათვალიერა.
აგარის დაწყებითი სკოლის რეაბილიტაციის სამუშაოებს აწარმოებს შპს „იურ ბუილდინგ კომპანი“.
პროექტის ღირებულება შეადგენს – 137 776 ლარს. რეაბილიტაცია დასრულდება ერთი თვის ვადაში.