კომპანია SpaceX-ის დამფუძნებელი და ტრამპის ადმინისტრაციაში აშშ-ის მთავრობის ეფექტურობის დეპარტამენტის მომავალი თანახელმძღვანელი, ილონ მასკი სოციალურ ქსელ X-ში აზიარებს ინფორმაციას, სადაც აღნიშნულია, რომ ბაიდენის პრეზიდენტობის დროს აშშ-ს ჩრდილოვანი მთავრობა მართავს.
ინფორმაციის თანახმად, ბაიდენის პრეზიდენტობას ძირითადად მარიონეტები მართავენ, კაბინეტის წევრები იშვიათად იღებენ პირდაპირ წვდომას ბაიდენთან. სახაზინო მდივანი ჯანეტ იელენიც კი, რომელიც კაბინეტში ერთ-ერთ ყველაზე მნიშვნელოვან თანამდებობას იკავებს, დისტანციაზე იყო და შუამავლების მეშვეობით უწევდა კომუნიკაცია მასთან.
აშშ-ის თავდაცვის მდივანი ლოიდ ოსტინი ბრიფინგებს სულ უფრო იშვიათად მართავდა მიუხედავად იმისა, რომ უკრაინაში და ღაზის სექტორში ომი მძვინვარებდა.
კაბინეტის წევრებმა საერთოდ შეწყვიტეს პრეზიდენტთან შეხვედრის მოთხოვნა, რადგან იცოდნენ, რომ ასეთი მოთხოვნები უარყოფილი იქნებოდა. ბაიდენის გუნდმა შექმნა გაუვალი ბარიერი, რომლებიც გასცემდნენ ზემოდან ქვევით დირექტივებს პრეზიდენტის მცირე ჩართულობით.
„თვალთმაქცობა შემაძრწუნებელია – ვაშინგტონს ურჩევნია არარჩეული თანამშრომლები ფარულად მართავდნენ აღმასრულებელ შტოს, ვიდრე გაუმკლავდეს საჯარო კრიტიკას მისი გადაჭარბებული ხარჯების გამო. გზავნილი ნათელია: ისტებლიშმენტი იცავს საკუთარ თავს, ხოლო ებრძვის მათ, ვინც გაბედავს სიმართლის წარმოჩენას“, – აღნიშნულია ინფორმაციაში.