როგორ შეიძლება ამ ქვეყანაში „ჭმუნვაში“ მყოფმა ადამიანმა უცებ მოიცალოს იმისთვის, რომ აქციაზე მიდიხარ და უცებ ეკლესიაში მლოცველებს, მრევლს თუ სასულიერო პირს შეუვარდე. ვინმე გამოვიდა, შეურაცხყოფა მიაყენა, რაიმე უთხრა, ეს ხომ წარმოუდგენელია, – განაცხადა რეჟისორმა, ბაკურ ბაკურაძე გადაცემაში „იმედი LIVE“.
მან ვაკის მაცხოვრის ფერისცვალების სახელობის ტაძართან დღეს განვითარებული მოვლენები შეაფასა.
„რამდენიმე წლის წინ თამარ მეფე და დავით აღმაშენებელი პრეზერვატივზე რომ დახატეს, ამ თაობას კი არ ეწყინა, გაეცინა. სამწუხაროდ, აი, ეს არის შედეგი. თუმცა ამას ყველას ვერ დავაბრალებ. ეს არის აგრესიული, გარკვეული ნაწილი, რომელსაც ვფიქრობ, საკუთარი კომპლექსები ამოძრავებს.
როგორ შეიძლება ამ ქვეყანაში „ჭმუნვაში“ მყოფმა ადამიანმა უცებ მოიცალოს იმისთვის, რომ აქციაზე მიდიხარ და უცებ ეკლესიაში მლოცველებს, მრევლს თუ სასულიერო პირს შეუვარდე. ვინმე გამოვიდა, შეურაცხყოფა მიაყენა, რაიმე უთხრა, ეს ხომ წარმოუდგენელია! არა, უბრალოდ, ასე გამოვარდა.
მე ერთი ვიდეო ვნახე, სადაც ერთი მოზარდი ამბობს, ეკლესიები უნდა დაანგრიონ, საპატრიარქო არის რაღაც რუსეთის კუნძული საქართველოში და უნდა დაწვან ყველაფერი. სამწუხაროდ, ადამიანებს დაავიწყდათ, რომ ჩვენ თუ მართლმადიდებელ ქვეყანაში ვცხოვრობთ, მართლმადიდებლად ვართ მონათლულები, გვყავს პატრიარქი, თან როგორი პატრიარქი! მისი სიტყვა ყოველთვის არის არა გაცხადება, არამედ კურთხევა. მაქსიმალურად უნდა ვეცადოთ, რომ ჩვენ ეს კურთხევა შევასრულოთ.
უწმინდესის დღევანდელი განცხადების ფონზე უცებ ვხედავთ ამ სცენას – გაუგებარს, უზრდელურს, სადაც არ არის გარჩევა უფროსისა და უმცროსი, პატივისცემის, კულტურის, ტრადიციის. სამწუხაროა ეს ყველაფერი, თუმცა შესაძლოა, ეს ყველაფერი გაუაზრებლად მოხდა იმ ემოციის ფონზე, რომელიც ამდენი დღის განმავლობაში ჩვენს დედაქალაქსა და საერთოდ, ქვეყანაში ტრიალებს, შესაძლოა, ეს აგრესია არასწორი მიმართულებით წამოვიდა“, – განაცხადა ბაკურაძემ.
ჭავჭავაძის გამზირზე, სადაც პიარისა და მარკეტინგის სპეციალისტების საპროტესტო მსვლელობა იმართება, თბილისის ვაკის მაცხოვრის ფერისცვალების სახელობის ტაძართან, მამა შალვა კეკელიასა და აქციის მონაწილეებს შორის სიტყვიერიდაპირისპირება მოხდა.