„თავდაცვის ყოფილი მინისტრის დავით კეზერაშვილის სახლიდან მილიონობით დოლარის ღირებულების ბრილიანტები ამოიღეს. ფაქტები ადასტურებს, რომ მან ბრილიანტები 2008 წლის ომის მიმდინარეობისას და ასევე ომის შემდეგ დღეებში 19 აგვისტოს, 4 სექტემბერს და 19 სექტემბერსაც შეიძინა“-წერს „ხალხის ძალის“ წევრი თამთა მეგრელიშვილი „ქრონიკის“ მიერ გავრცელებული ინფორმაციის შესახებ. მეგრელიშვილის თქმით, საქართველოს მოღალატე თავდაცვის მინისტრმა ნაძარცვი ფული ძვირფას ქვებსა და უძრავ ქონებაში დააბანდა და წარბი არ შეუხრია ქვეყნის ღალატზე.
მისივე თქმით, ქართული სახელმწიფოს ღალატი და ქართული ჯარის გაყიდვა არავის არ უნდა შერჩეს.
„კითხვაზე არის თუ არა დავით კეზერაშვილი საერთაშორისო კრიმინალი?! პასუხია- დიახ, არის! კითხვაზე მართლა მოჰპარა თუ არა მან ქართულ ჯარს ფული?! პასუხია- დიახ მოჰპარა! თავდაცვის ყოფილი მინისტრის დავით კეზერაშვილის სახლიდან მილიონობით დოლარის ღირებულების ბრილიანტები ამოიღეს.
ფაქტები ადასტურებს, რომ მან ბრილიანტები 2008 წლის ომის მიმდინარეობისას და ასევე ომის შემდეგ დღეებში 19 აგვისტოს, 4 სექტემბერს და 19 სექტემბერსაც შეიძინა. სისხლიანმა რეჟიმმა რომელმაც 2008 წლის ომამდე გაყიდა ომი და ამ რეჟიმის წარმომადგენელმა თავდაცვის მინისტრმა დავით კეზერაშვილმა რომელმაც საკუთარი ჯარი მიატოვა ომში, ქართული სახელმწიფოს მოღალატეობით იშოვა მილიონობით დოლარი. საქართველოს მოღალატე თავდაცვის მინისტრმა ნაძარცვი ფული ძვირფას ქვებსა და უძრავ ქონებაში დააბანდა და წარბი არ შეუხრია ქვეყნის ღალატზე. დროა, ყველამ პასუხი აგოს ასეთი მოღალატეობრივი ქმედებისათვის, ქართული სახელმწიფოს ღალატი და ქართული ჯარის გაყიდვა არავის არ უნდა შერჩეს.“-წერს თამთა მეგრელიშვილი Facebook-ზე.