IMG.GE ___________________________________ IMG.GE

საპარლამენტო უმრავლესობის წევრის, ირაკლი ჩიქოვანის განცხადებით, ქვეყანაში გამოხატვის თავისუფლება უზრუნველყოფილია და ყველას შეუძლია, დემონსტრაცია ჩაატაროს.

მისივე თქმით, იმ შემთხვევაში, თუ „ნაციონალური მოძრაობის“ თავმჯდომარე ნიკა მელია სასამართლო გადაწყვეტილებას აღასრულებს, შესაძლებლობა ექნება, მოღვაწეობა ციხის გარეთ გააგრძელოს.

„ჩვენს ქვეყანაში გამოხატვის თავისუფლება უზრუნველყოფილია და ყველას შეუძლია დემონსტრაცია ჩაატაროს. მე მათ კონკრეტულ მოთხოვნებს არ შევაფასებ. როგორც აქამდე დღესაც, ნიკა მელიას აქვს არჩევანი იქნება ციხეში თუ არა. რეალურად აქ საუბარი გვაქვს იმაზე, რომ კანონიერი სასამართლოს გადაწყვეტილება აღსრულდეს. როგორც მანამდე დღესაც, თუ ნიკა მელია აღასრულებს იმ გადაწვეტილებას და იმ მოთხოვნას რაც არსებობს მის მიმართ სასამართლო გადაწყვეტილების შემდგომ ის პატიმრობაში არ იქნება“, – განაცხადა ირაკლი ჩიქოვანმა.

კომენტარის დატოვება
IMG.GE
გაზიარება