სახელმწიფო “ბორჯომი”-ს თანამფლობელი ხდება – პრემიერი

კომპანია “ბორჯომი”-ს თანამფლობელი სახელმწიფო ხდება. ამის შესახებ პრემიერმა ირაკლი ღარიბაშვილმა დღეს, მთავრობის სხდომაზე განაცხადა.

“სახელმწიფო გახდება “ბორჯომი”-ს თანამფლობელი/აქციონერი და ამით ეს პრობლემაც მოგვარდება. ვიცი, რომ გარკვეული სირთულეები არის, იქ დასაქმებულები აპროტესტებენ. უკვე ჩართულია შრომის ინსპექცია და მინდა ვუთხრა ყველას, რომ არცერთი ჩვენი მოქალაქე არ დაიჩაგრება და ყველას სამართლიანად მოვექცევით, ყველაფერი მოგვარდება ისე, როგორც არის საჭირო”– განაცხადა ირაკლი ღარიბაშვილმა.