ოპოზიციის აქციას მძღოლები პიპინ-პიპინით შეეგებებიან და ღამეს გაათენებენ. ეს ყველაფერი 24 ნოემბერს, საღამოს 9 საათზე იქნება.
ამის შესახებ გიორგი ვაშაძემ განაცხადა 23 ნოემბერს, გმირთა მოედანზე.
“24 ნოემბერს, 21:00 საათზე ვიკრიბებით აბსოლუტურად ყველა რესპუბლიკის მოედანზე. პარალელურად, ჩვენ შემოგვიერთდება რეგიონებიდან მსვლელობები, რომელიც ემზადება და დაგეგმილია. შეკრების შემდეგ მსვლელობით გავემართებით პარლამენტისკენ, სადაც ვაპირებთ, დავრჩეთ ხვალინდელი ღამე. პარალელურად, დასავლეთ საქართველოდან ჩამოსული ავტომობილები შეიკრიბებიან რესპუბლიკის მოედანზე, ხოლო აღმოსავლეთიდან ჩამოსულები შეიკრიბებიან თავისუფლების მოედანზე, შემდეგ მსვლელობას მოაწყობენ თბილისის მასშტაბით, რათა ამ მანქანების მსვლელობით კიდევ ერთხელ გამოვაფხიზლოთ თბილისი “- თქვა ვაშაძემ.