თბილისში მიმდინარე ოპოზიციის აქციას სოციალურ ქსელში ეხმიანება „ხალხის ძალის წევრი თამთა მეგრელიშვილი. როგორც ექსპერტი აღნიშნავს, ოპოზიცია, რომელიც აკნინებს პრემიერ-მინისტრის ირაკლი კობახიძის როლს, თავად ქუჩაში დგას და მხოლოდ იმაზე ფიქრობს, თუ როგორ მოაწყოს დესტაბილიზაცია.
„ამ ნაკაცარ ნიკა გვარამიასთან მაქვს კითხვა – თუ ირაკლი კობახიძე არაფერს არ წარმოადგენს, რატომაა ის ქვეყნის პრემიერ- მინისტრი, რომელიც ზის კაბინეტში და იღებს საქვეყნო გადაწყვეტილებებს და რატომაა ნიკა გვარამია მხოლოდ ქუჩის აქციების ორგანიზატორი, რომელიც კარვების შესყიდვის გეგმაზე მუშაობს?! მათი როლის გააზრებისას პასუხი მარტივზე მარტივია და დიდ ფიქრს არ საჭიროებს. ირაკლი კობახიძე არის იქ სადაც უნდა იყოს და ნიკა გვარამია არის ისევ ქუჩის პროცესებში 2012 წლიდან დღემდე ნაოცნებარი რევოლუციის მოლოდინში. მკაფიოდ გამოხატული წერტილი!” – წერს თამთა მეგრელიშვილი.