“მაქსიმალურად ვუფრთხილდებით არა მარტო უკრაინის სახელმწიფოს და უკრაინელ ხალხს, არამედ უკრაინის ხელისუფლებასაც, მიუხედავად იმისა, რომ ეს მოფრთხილება წლების განმავლობაში არის ცალმხრივი.
სხვადასხვა არხებით, წლების განმავლობაში იყო კომუნიკაცია უკრაინის ხელისუფლებასთან,როდესაც იყო მსგავსი ტიპის პრობლემები. არანაკლებ სერიოზულია პრობლემა, როდესაც შენთან რეალურ კრიმინალად გამოცხადებულ სააკაშვილს ნიშნავს მეორე სახელმწიფოში რეფორმების საბჭოს ხელმძღვანელად. ეს ბევრად უფრო დიდი პრობლემაა, ვიდრე ელჩის გაწვევა ან გათავისუფლება.
რა თქმა უნდა, კომუნიკაცია იყო მუდმივ რეჟიმში მთელი წლების განმავლობაში. ახლაც არის კომუნიკაცია, თუმცა, სამწუხაროდ, ცალმხრივია ჩვენი ნაბიჯები, რომელიც გადადგმულია ვითარების გაუმჯობესებისკენ. სამწუხარო რეალობა ეს არის“. – განაცხადა “ქართული ოცნების” თავმჯდომარე ირაკლი კობახიძემ საზ.მაუწყებლის პირველის არხის გადაცემა “დღის თემა”-ში სტუმრობისას.