Skip to content
04/07/2025
  • კონტაქტი
  • ჩვენ შესახებ
MARSHALPRESS

MARSHALPRESS

ახალი ამბების სააგენტო

advert
Primary Menu
  • პოლიტიკა
  • საზოგადოება
  • მედია
  • სამართალი
  • შემთხვევა
  • უცხოეთი
  • რეგიონები
  • ინფრასტრუქტურა
  • ბოლო სიახლე

კომუნიკაციების კომისია დეზინფორმაციასთან გამკლავებაში დამატებით 200 პედაგოგს გადაამზადებს

მარშალ პრესი 01/04/2022
50

კომუნიკაციების კომისია დეზინფორმაციასთან გამკლავებაში საჯარო სკოლისა და პროფესიული საგანმანათლებლო დაწესებულებების პედაგოგების გადამზადებას განაგრძობს. პროექტი „დეზინფორმაცია, როგორც გამოწვევა: კრიტიკული აზროვნების განვითარება სკოლებში“ მასწავლებლების მხრიდან მაღალი მოთხოვნის საფუძველზე განახლდა. ტრენინგები ორი თვის განმავლობაში 10 რეგიონში, მათ შორის ეთნიკური უმცირესობებით მჭიდროდ დასახლებულ რეგიონებში ჩატარდება. თბილისში, მცხეთა-მთიანეთში, რაჭა-ლეჩხუმში, ზემო სვანეთში, აჭარაში, გურიაში, იმერეთში, სამეგრელო-ქვემო სვანეთში, სამცხე-ჯავახეთში, ქვემო ქართლსა და შიდა ქართლში დამატებით 200 მასწავლებელი გადამზადდება.

პირველი ტრენინგი თბილისის სკოლის 16 მასწავლებელს ჩაუტარდა. პედაგოგებმა მიიღეს ცოდნა დეზინფორმაციისა და ანტიდასავლური პროპაგანდის ნეგატიური ზეგავლენისა და მათგან თავის დაცვის მექანიზმების შესახებ.

პროექტი, რომლის მიზანიც დეზინფორმაციით გამოწვეული ნეგატიური გავლენის შესახებ ცნობიერების ამაღლება, მედიაწიგნიერებისა და კრიტიკული აზროვნების უნარების განვითარებაა, კომუნიკაციების კომისიამ ევროკავშირის მხარდაჭერით 2021 წელს დაიწყო. უკვე ჩატარდა 45 ინტერაქტიული ტრენინგი, გადამზადდა 700-ზე მეტი მასწავლებელი 400-ზე მეტი სკოლიდან და პროფესიული სასწავლებლიდან.

პროექტის ფარგლებში შეიქმნა უნიკალური, შემოქმედებითი და ინტერაქტიული მოდული, რომელიც სწავლების აქტუალური და თანამედროვე მიდგომების გათვალისწინებით არის შემუშავებული და ფარავს ისეთ მნიშვნელოვან თემებს, როგორებიცაა: კრიტიკული აზროვნება, დეზინფორმაციის იდენტიფიცირების სხვადასხვა ხერხი, ინფორმაციის ვალიდაციის მეთოდები და სხვა. სასწავლო პროცესს გამოცდილი ტრენერები უძღვებიან. მოსწავლეებში კრიტიკული და ლოგიკური აზროვნების უნარების განვითარების მიზნით, პროექტის ფარგლებში მიღებულ გამოცდილებას სერტიფიცირებული მასწავლებლები პრაქტიკაში გამოიყენებენ.

Continue Reading

Previous: “დოქსოპულო, შენ დედა გყაავს?” – ამ სიტყვებით მინდა მივმართო ამ კონკრეტულ ვინმე ვანო ნადირაძეს – დავით ქართველიშვილი
Next: უკრაინის ომი არის მორწმუნეთა და სულიერთა, ხაზს ვუსვამ – სულიერთა მსხვერპლშეწირვა მსოფლიოს სატანიზმის უმაღლესი ქურუმებისთვის

ჩვენ ფეისბუქზე

  • კონტაქტი
  • ჩვენ შესახებ
  • კონტაქტი
  • ჩვენ შესახებ
ყველა უფლება დაცულია © საინფორმაციო სააგენტო მარშალპრესი | 2015-2025