IMG.GE IMG.GE

„ძალიან ბევრჯერ მითქვამს, მაგრამ კიდევ ერთხელ მსურს გავიმეორო, საქართველოს რეაგირება ახალი კორონავირუსის პანდემიასთან იყო სანიმუშო და ამას მთელი მსოფლიო აღიარებს“, – ამის შესახებ გაერო-ს განვითარების პროგრამის (UNDP) ხელმძღვანელმა საქართველოში ლუიზა ვინტონმა ჟურნალისტებს განუცხადა.

მისი თქმით, ვირუსზე წარმატებული რეაგირება შესაბამისი სექტორების აღდგენას შეუწყობს ხელს.

„ჩვენ ვხედავთ პოზიტიური გამოცდილების ძალიან კარგ შედეგებს ახლა, როცა საქართველო შევიდა ე.წ. მწვანე ქვეყნების რიგში, რომელიც ევროკავშირმა გამოაცხადა. სხვა ქვეყნებთან შედარებით საქართველო ეკონომიკურ უპირატესობასაც მიიღებს, როგორც ფრენების აღდგენის ისე, ტურიზმის აღდგენის თვალსაზრისით. შესაბამისად, თამამად შეიძლება ითქვას, რომ კორონავირუსის პანდემიაზე წარმატებული რეაგირება ხელს შეუწყობს ქვეყნის ეკონომიკას აღდგენაში და ამიტომ, საქართველოს მაგალითი სრულიად სანიმუშოა მთელი მსოფლიოსთვის, ამას ყველა აღიარებს”, – განაცხადა ვინტონმა.

მისი თქმით, ასევე, ყველა აღიარება იმას, რომ დაავადებათა კონტროლის ეროვნული ცენტრი იყო წამყვანი ამ რეაგირების წარმატებაში.

„შეიძლებოდა, დაესვენათ და არაფერი გაეკეთებინათ სამომავლო განვითარებისთვის, იმიტომ, რომ მათ სამუშაო უკვე დასრულებულად ჩაეთვალათ. თუმცა, საბედნოეროდ, ასე არ მოხდა და ჩვენ ძალიან ვაფასებთ დაავადებათა კონტროლის ეროვნული ცენტრის ამ პოზიციას, რომ პანდემიის გამოცდილებას შემდგომი განვითარებისთვის იყენებენ. მოხარულები ვართ, რომ ამაში შვედეთის მთავრობასთან ერთად ვეხმარებით. ჩვენი ხელშეწყობით ცენტრი შექმნის ეროვნულ სისტემას, რომელიც გადაამზადებს სამედიცინო პერსონალს საქართველოს მასშტაბით. ეს დაეხმარება ქვეყანას, მოემზადოს სავარაუდო მეორე ტალღისთვის ან ნებისმიერი სხვა კრიზისული ვითარებისთვის. ასევე დაეხმარება იმაში, რომ ზოგადად განვითარდეს და სამედიცინო პერსონალის კვალიფიკაცია ამაღლდეს”, – განაცხადა ლუიზა ვინტონმა.

კომენტარის დატოვება
IMG.GE
გაზიარება