შაჰინი და ტერნერი შარშან რომ ჩამოსულიყვნენ, მათი რიტორიკა უფრო აგრესიული იქნებოდა, ხოლო შეშფოთება – უფრო აღშფოთებული. 5 ნოემბრის “აჩრდილი” მათზეც მოქმედებს – რა და როგორ იქნება, არავინ იცის, – ამის შესახებ “ხალხის ძალის” წევრი, დავით ქართველიშვილი, სოციალურ ქსელში წერს.
მისი განცხადებით, ამ ვიზიტის ფონზე, ქართილ საზოგადოებას მოდუნების უფლება არ აქვს.
“შაჰინი და ტერნერი შარშან რომ ჩამოსულიყვნენ, მათი რიტორიკა უფრო აგრესიული იქნებოდა, ხოლო შეშფოთება – უფრო აღშფოთებული. 5 ნოემბრის “აჩრდილი” მათზეც მოქმედებს – რა და როგორ იქნება, არავინ იცის. ამიტომ “თავისიანებთან” და ხელისუფლებასთან ჩასატანი ძირითადი მესიჯი იყო – საქართველო დარჩება აშშ-ს სტრატეგიული პარტნიორი ნებისმიერი ამერიკული ხელისუფლების პირობებში. რაც შეეხება ქართულ ხელისუფლებას – დავაკვირდებითო არჩევნების მსვლელობას. არანაირი პრობლემა არ არის, განაცხადა ხელისუფლებამ – დააკვირდით, მაგრამ ურთიერთობების გადატვირთვა მაინც მოგიწევთ. ვერც აგენტურა ჩანდა თავის პატრონებთან შეხვედრის შემდეგ თავხედურად თავდაჯერებული.
მით უმეტეს მას შემდეგ, რაც მათივე წარმომადგენელმა იაგო ხვიჩიამ ამ აგენტურის რეალური ფასი: “კონა ათი შაური” – საჯაროდ გააჟღერა. ამას მშვენივრად ხედავენ შაჰინი/ტერნერის დონეზეც, ამიტომ წინა განცხადებებთან და გზავნილებთან შედარებით, ამჯერად მოზომილად მოქმედებდნენ.
გვაქვს თუ არა ამ ვიზიტის ფონზე მოდუნების უფლება? რა თქმა უნდა – არა. გაუჩნდა თუ არა ჩვენს ცვილის ფიგურებს თავის ტკივილის დამატებითი წყარო? რა თქმა უნდა – კი. ამ ვიზიტის მთავარი ადრესატი – ისინი ნამდვილად არ იყვნენ. რაც შეეხება ხელისუფლების მაღალი ეშელონების წარმომადგენლებს, ვის წინაშეც კოლექტიურ დასავლეთს უამრავი ბოდიში აქვს მოსახდელი – იმედია შაჰინ/ტერნერს მკაფიოდ განსაზღვრული “საგზაო რუკა” გადასცეს, როგორ უნდა მოიქცეს სტრატეგიული პარტნიორი, სამხრეთ კავკასიის რეგიონზე საკუთარი ხელით ამ პარტნიორობას სამარე რომ არ გამოუთხაროს.” – წერს ქართველიშვილი.