პირველი, ჩვენ არ უნდა განვაცალკეოთ უკრაინისგან მოლდოვა და საქართველო, რადგან ჩემთვის ეს იქნება შეცდომა. როდესაც ვსაუბრობთ უკრაინის ევროპულ მომავალზე, ჩვენ არ უნდა დაგვავიწყდეს საქართველო და მოლდოვა, – ამის შესახებ ლუქსემბურგის პრემიერ-მინისტრმა ხავიერ ბეტელიმ განაცხადა.
„მე ამას ვამბობ ყოველთვის ღია და დახურულ შეხვედრებზე. ჩვენ არ უნდა დავპირდეთ უკრაინას, რომ ევროკავშირის წევრი გახდება ხვალვე. გვაქვს კოპენჰაგენის კრიტერიუმები და წესები, პროცედურები და მათ პატივი უნდა ვცეთ. ვნახეთ საფრანგეთის პრეზიდენტის ემანუელ მაკრონის შეთავაზება, რომელიც სამომავლოდ უფრო მჭიდრო ურთიერთობებს ეხება. მაკრონი ცდილობს შუალედი იპოვოს ევროკავშირის წევრობის სტატუსის მინიჭებასა და სულ არაფერს შორის. ეს შეიძლება იყოს ერთ-ერთი ვარიანტი, მაგრამ მე მაინც ვფიქრობ შეცდომა იქნება ისეთი შთაბეჭდილების შექმნა, რომ ეს ქვეყნები ხვალ გახდებიან ევროკავშირის წევრები. არსებობს წესები და ისინი ამ წესებს უნდა გაჰყვნენ“, – განაცხადა ხავიერ ბეტელიმ.
საქართველო ახალი პოლიტიკური დღის წესრიგის ჩამოყალიბებისას, ტრიგერის როლის შემსრულებელი და ერთგვარი...