თანამედროვე სტანდარტების შესაბამისი შენობა პარლამენტის თავმჯდომარის მოადგილემ, არჩილ თალაკვაძემ, გურიის მაჟორიტარმა დეპუტატმა ვასილ ჩიგოგიძემ, გურიის მხარისა და ადგილობრივი ხელისუფლების წარმომადგენლებმა დაათვალიერეს.
“ოზურგეთში მუნიციპალური ინსპექციის ოფისის სრული რეაბილიტაცია გავაკეთეთ – დღეიდან, ჩვენი თანამშრომლები ახალ სამუშაო გარემოში გადავიდნენ. შენობა აღიჭურვა ახალი ტექნიკით და ინვენტარით, განახლდა ავტოპარკი; ინსპექციის თანამშრომლებს უკვე აქვთ უნიფორმები და სამხრე ვიდეოკამერები. მუნიციპალური ინსპექცია ჩვენს მიერ გატარებული რეფორმების შედეგად შეიქმნა და დარღვევების პრევენციის, მათზე რეაგირების და მოქალაქეთა მომსახურების მხრივ ეფექტიანი სამსახურია. მადლობა ოზურგეთის მერიის მუნიციპალური ინსპექციის თითოეულ თანამშრომელს და მის ხელმძღვანელს, კეთილსინდისიერი შრომისა და ოზურგეთზე ყოველდღიური ზრუნვისთვის!“- აღნიშნა ოზურგეთის მერმა, ავთანდილ თალაკვაძემ.