2022 წლის თებერვალ-მარტში სახელისუფლებო კაბინეტებში „ქართული ოცნების“ ნაცვლად ოპოზიციის წარმომადგენლები რომ მსხდარიყვნენ, ზუსტად ერთ-ორ კვირაში საქართველო ცეცხლის ალში გახვეული იქნებოდა, – ამის შესახებ პარლამენტის თავმჯდომარემ, შალვა პაპუაშვილმა „ქართული ოცნების“ ცენტრალურ ოფისში გამართულ ბრიფინგზე განაცხადა.
„თუ არჩევანია, დონორის ინტერესი თუ ქართველი ხალხის ინტერესი, ვირჩევთ ქართველი ხალხის ინტერესს, თუ არჩევანი არის – უცხო ქვეყნის ინტერესი თუ ქართველი ხალხის – ვირჩევთ ქართველი ახლის ინტერესს. ეს არის „ქართული ოცნების“ 12-წლიანი გამოცდილება და ამის საპირისპირო იყო „ნაციონალური მოძრაობის“ გამოცდილება 9 წლის განმავლობაში.
დღესაც იმავეს გვიდასტურებენ და გვეუბნებიან, რომ გავაკეთოთ ის რასაც სხვები გვეუბნებიან, რატომ არ ვუჯერებთ სხვებს?! ამაზე კი ჩვენი პასუხია – ჩვენ ჩვენს ხალხს ვუჯერებთ! ვაკეთებთ იმას, რაც კარგია ჩვენი ხალხისთვის! ჩვენ რომ სხვებისთვის დაგვეჯერებინა, დღე ვიქნებოდით ომში ან ვიქნებოდით ნაომარი ქვეყანა“, – აღნიშნა შალვა პაპუაშვილმა.