„არსებული ეპიდვითარების შენარჩუნების შემთხვევაში, სექტემბერში სასწავლო პროცესს საფრთხე არ შეექმნება“ – ამირან გამყრელიძე

___________________________________

„თუ ქვეყანაში არსებული ეპიდემიოლოგიური მდგომარეობა შენარჩუნდა, სექტემბერში სასწავლო პროცესის განახლებას არაფერი დაემუქრება“, – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ მთავრობის ადმინისტრაციაში გამართულ ბრიფინგზე განაცხადა.

„თუ ჩვენ შევინარჩუნეთ ის ეპიდსიტუაცია, რაც დღეს ქვეყანაში გვაქვს – ყოველდღიურად ინფიცირების ერთეული ან იგივე, ვთქვათ, 2, ათეული შემთხვევა, ეს საფრთხეს არ წარმოადგენს არც ეროვნული გამოცდების ჩატარებისთვის, არც სასწავლო პროცესი დაწყებისთვის და არც სხვა ღონისძიებისთვის“, – განმარტა გამყრელიძემ.