ქართული კულტურის ცენტრი ჩვენი კულტურის საპრეზენტაციო ადგილი იქნება, – ამის შესახებ ჟურნალისტებს იორდანიაში საქართველოს ელჩმა, ზაზა კანდელაკმა მდინარე იორდანესთან საქართველოსთვის მიწის ნაკვეთის გადაცემის ცერემონიალის შემდეგ ჟურნალისტებს განუცხადა.
მისი თქმით, ცენტრში იქნება საგამოფენო დარბაზები და წარმოდგენილი იქნება საქართველოს ისტორია.
„ასევე, ჩვენი საგალობლების წარმოდგენა მოხდება. ხატწერის თემა არსებობს, შეიძლება, ამგვარი სასწავლებელიც გაკეთდეს და ჩვენი კულტურა გავუზიაროთ იორდანიელებს. ასევე, სამეცნიერო მუშაობაც იქნება შესაძლებელი, რადგან ბევრი რამეა შესასწავლი ზოგადად, წმინდა მიწაზე. მე დარწმუნებული ვარ, ჩვენი მეცნიერები დაინტერესდებიან, მით უმეტეს, როცა უკვე დღეს ჩვენი საკუთარი ადგილი გვაქვს“, – განაცხადა ზაზა კანდელაკმა.