IMG.GE IMG.GE ___________________________________ IMG.GE

„პრემიერისგან მივიღეთ დავალება და 5 ივლისს უნდა გამოვაქვეყნოთ კონკრეტული გრაფიკი და ლოკაციები, საიდანაც კვლავაც, როგორც ამას აქამდე ვაკეთებდით, ორგანიზებულად, ხელმისაწვდომი და სუბსიდირებული ფასებით მოხდება ევროპიდან ჩვენი თანამოქალაქეების დაბრუნება“, – ამის შესახებ მთავრობის სხდომის შემდეგ ეკონომიკის მინისტრმა, ნათია თურნავამ განაცხადა.

„დღეს პრემიერისგან მივიღეთ დავალება და 5 ივლისს უნდა გამოვაქვეყნოთ კონკრეტული გრაფიკი და ლოკაციები, საიდანაც კვლავაც, როგორც ამას აქამდე ვაკეთებდით, ორგანიზებულად, ხელმისაწვდომი და სუბსიდირებული ფასებით მოხდება ევროპიდან ჩვენი თანამოქალაქეების დაბრუნება. ეს პროგრამა პანდემიის პერიოდში ძალიან აქტიურად ხორციელდებოდა. გეგმაზომიერი გამოყვანა უზრუნველყოფს იმას, რომ ეს ადამიანები დროულად მოხვდნენ საქართველოში და შეუერთდნენ ოჯახებს, მაგრამ ეს უნდა ხდებოდეს უსაფრთხოდ. ყველა დაბრუნებული პირი ადამიანი სახელმწიფოს ხარჯზე კარანტინს გაივლის. ორშაბათს ჩვენ დავასახელებთ ამ ლოკაციებს და ადამიანები შეძლებენ, შედარებით იაფად შეიძინონ ეს ბილეთები. ასევე ჩვენ დაგვევალა, რომ ეს არ განახორციელოს მხოლოდ ერთმა ავიაკომპანიამ და ამ ფრენებს რამდენიმე ავიაკომპანია შეასრულებს, „აირზენა“ კვლავაც გააგრძელებს თავისი კომერციული ჩარტერების შესრულებას, მაგრამ პრემიერისგან მიღებული დავალება არ ეხება კომერციულ ჩარტერებს. „აირზენას“ კომერციულ ჩარტერებზე მართლაც ძალიან მაღალი ფასები აქვს. ახლა ჩვენ ვსაუბრობთ სუბსიდირებად სოციალურ ფრენებზე, რომლებსაც სახელმწიფო უკვეთავს კონკრეტულ კომპანიებს. ეს კვლავაც შეიძლება იყოს ნაწილობრივ „აირზენაც“, მაგრამ არსებობს ინტერესი სხვა კომპანიების მხრიდანაც“, – განაცხადა თურნავამ.

კომენტარის დატოვება
IMG.GE
გაზიარება