რობერტა მეცოლა ხმათა უმრავლესობით ევროპარლამენტის პრეზიდენტად მეორე ვადით აირჩიეს. ინფორმაციას ამის შესახებ ევროპარლამენტი ავრცელებს.
მეცოლას მხარი 699 დეპუტატიდან 562 დაუჭირა. ის გამარჯვებულად პირველივე ტურში გამოცხადდა.
მეცოლას კონკურენციას ესპანელი ევროპარლამენტარი ირენე მონტერო უწევდა. მან 61 ხმა დააგროვა.
რობერტა მეცოლა 1979 წელს მალტაში დაიბადა. ის ევროპარლამენტის წევრად პირველად 2013 წელს აირჩიეს. 2022 წლის 18 იანვარს ევროპარლამენტის პრეზიდენტის დავიდ სასოლის გარდაცვალების გამო მეცოლა ევროპარლამენტის ახალ ხელმძღვანელად აირჩიეს.