ოპოზიციისთვის დამახასიათებელი გახდა, ყოველთვის, სადაც მოეთხოვებათ ყველაზე მეტად ფაქტებზე საუბარი იქ იკავებენ თავს ფაქტის დასახელებისგან, – ამის შესახებ საპარლამენტო უმრავლესობის წევრმა, მიხეილ სარჯველაძემ „ქრონიკაში განაცხადა.
„საქართველომ ძალიან კარგად ახსნა, რომ ის იმსახურებს კანდიდატის სტატუსს. სამწუხაროა, რომ ოპოზიციას ჰქონდა მთავარი მიდგომა, რომ რამენაირად ეს ინტერპელაცია ან საკითხის ირგვლივ დისკუსია გადაექცია სადებატო თემად. ის ხალხი, ვინც ინტერპელაცია დააინიცირა მერე ის ხალხი ამბობდა შერიგებაზე, გაერთიანებაზე და ამ დროს საბოლოო ჯამში გამოვიდა ის, რომ თითქოს საქართველოს პარლამენტში ამ საკითხის ირგვლივ დებატი მიმდინარეობს, ეს ძალიან ცუდად გამოჩნდა“, – განაცხადა მიხეილ სარჯველაძემ.
25 მაისს ევროინტეგრაციის საკითხზე საპარლამენტო დებატები გაიმართა.
ევროკომისიამ კითხვარის ქართული პასუხების შესახებ მოსაზრებები ევროკავშირის ლიდერებს, 24-25 ივნისის სამიტზე უნდა გაუზიაროს. მთავრობის მეთაურმა კარლ ჰარცელს კითხვარის მეორე და საბოლოო ნაწილი 10 მაისს გადასცა.