დიდუბის რაიონის გამგეობა მოსასვენებელი სივრცეების მოწყობასთან ერთად, სკვერებში დაზიანებულ ინფრასტრუქტურას აქტიურად აწესრიგებს. ამ დროისთვის, 13 მისამართზე 38 საპარკე სკამი განთავსდა, დაიდგა ექვსი ურნა, 15 მისამართზე სავარჯიშო ზონებში დაზიანებული სახურავები შეიცვალა, ასევე, ახლით ჩანაცვლდა საბავშვო მოედნებზე ატრაქციონები, დამონტაჟდა განათების სისტემა და აღდგა სასმელი წყლის სოკოები. სამუშაოების ჯამურმა ღირებულებამ 100 000 ლარი შეადგინა.