რუსეთის მიერ უკრაინაზე თავდასხმის შედეგად დაღუპულთა რიცხვი 33-მდე გაიზარდა, ხოლო 140 – დაშავდა

რუსეთის მიერ უკრაინაზე თავდასხმის შედეგად დაღუპულთა რიცხვი 33-მდე გაიზარდა, ხოლო 140 – დაშავდა. ინფორმაციას ამის შესახებ უკრაინული მედია ავრცელებს.

რუსეთმა უკრაინულ ქალაქებზე მასირებული სარაკეტო იერიში მიიტანა. ოკუპანტების ერთ-ერთი სამიზნე დედაქალაქ კიევში მდებარე საცხოვრებელი შენობები, მათ შორის ბავშვთა საავადმყოფო აღმოჩნდა.

„ყოველ ჯერზე, როდესაც მასთან [პუტინთან] მშვიდობის განხილვის მცდელობაა, რუსეთი სახლებსა და საავადმყოფოებზე თავდასხმით პასუხობს“, – აღნიშნა უკრაინის პრეზიდენტმა.

„უკრაინა ამჟამად გაეროს უშიშროების საბჭოს საგანგებო სხდომის გამართვას ითხოვს რუსეთის მიერ სამოქალაქო ინფრასტრუქტურაზე, მათ შორის ბავშვთა საავადმყოფოზე თავდასხმის გამო“, – განაცხადა ზელენსკიმ.