IMG.GE ___________________________________ IMG.GE

საქართველოში რემდესივირის გამოყენება ჯანდაცვის სამინისტროს მიერ დადგენილი წესით დაიწყო, რაც ითვალისწინებს რემდესივირის დანიშვნას კომისიური განხილვის შემდეგ, – ამის შესახებ საკოორდინაციო საბჭოს სხდომის შემდეგ გამართულ ბრიფინგზე ჯანდაცვის მინისტრის მოადგილემ, თამარ გაბუნიამ განაცხადა.

მისივე თქმით, კომისიაში 8 ექსპერტი შედის და იმისთვის, რომ რემდესივირი რომელიმე პაციენტს დაენიშნოს, აუცილებელია 2 ექსპერტის გადაწყვეტილება.

„საქართველოში რემდესივირის გამოყენება ჯანდაცვის სამინისტროს მიერ დადგენილი წესით დაიწყო, რაც ითვალისწინებს რემდესივირის დანიშვნას კომისიური განხილვის შემდეგ. კომისიაში 8 ექსპერტი შედის და იმისთვის, რომ რემდესივირი რომელიმე პაციენტს დაენიშნოს მისივე ინფორმირებული თანხმობით, 2 ექსპერტის გადაწყვეტილებაა აუცილებელი“, – განაცხადა გაბუნიამ.

თამარ გაბუნიას თქმით, რემდესივირის გაცემასა და კოორდინაციას მონიტორინგს ინფექციური დაავადებებისა და შიდსის ცენტრი უწევს და პროგრამაში უკვე რამდენიმე პაციენტი ჩაერთო.

„ჩვენ ძალიან აქტიურად ვადევნებთ თვალს, თუ რამდენად დეტალურად იქნება დაცული რემდესივირის გამოყენების პირობები. მნიშვნელოვანია ის პრობები, რომლებიც ჩვენს გაიდლაინშია ასახული და ეს წაეყენება თითოეულ კლინიკას, ასევე ინფორმირებული თანხმობა, კლინიკური გადაწყვეტილება და ასევე ყველა პირობა უნდა იყოს შექმნილი იმისთვის, რომ მიმდინარე მონიტორინგი პაციენტებზე აქტიურად განხორციელდეს, რომ შესაძლო გვერდითი მოვლენა დროულად გამოვლინდეს და, რა თქმა უნდა, დანიშვნის კრიტერიუმებიც გაწერილია“.

კომენტარის დატოვება
IMG.GE
გაზიარება