საქართველოს ნაკრებმა ევროპის ჩემპიონატზე მეორე მატჩი ჩეხეთის ეროვნულ გუნდთან ჩაატარა და ტურნირზე პირველი ქულა მოიპოვა – 1:1.
ჩვენს ეროვნულ გუნდს ორი მატჩის ჯამში ჯერჯერობით ორი გოლი აქვს გატანილი და ორივე გიორგი მიქაუტაძის ანგარიშზეა.
„ძალიან კარგი მხარდაჭერა იყო და მინდა, რომ ყველას დიდი მადლობა გადავუხადო. ხალხს ფეხბურთი უყვარს და ჩვენს გვერდით დგას. ვიცით, რომ პორტუგალიასთან ძნელი თამაში იქნება, მაგრამ მოსაგებად უნდა გავიდეთ“. – განაცხადა გიორგი მიქაუტაძემ.