თაკო ჩარკვიანი ეხმიანება რესტორან ქვევრიდან ნიკა მელიას გამოძევების ფაქტს და გმობს, მიუხედავად იმისა, რომ ნიკა მელიას მიმართ მასაც უარყოფითი დამოკიდებულება აქვს.
“ნიკანორ მელიას კარგ პიროვნებად რომ არ მივიჩნევ, მეტიც – ძალზე ცუდი წარმოდგენა მაქვს მასზე, ვფიქრობ ყველამ იცის, რადგან ბევრჯერ გამომიხატავს მის მიმართ ჩემი მკვეთრი პოზიცია და უმწვავესი კრიტიკა, მაგრამ, ახლახანს ვიდეო ვნახე, რესტორნიდან რომ აძევებს ვიღაც ნიკა მელიას, ეს მდაბიო საქციელი რესტორნის მფლობელისგან საზიზღრობა იყო, ანუ “ჩემი რესტორანია და აქ ვერ შემოხვალ “თუ რაღაც ამდაგვარი – ფეოდალურ-ქაჯური გამოხდომა საზიზღარი სანახავი იყო, საიდან ასეთი – ამხელა სიმდაბლე, ამპარტავნება, რესტორნის “მფლობელობით ” გაკვირვებული ადამიანისა, ეს “ქაჯური “ “ზამაშკები” სასაცილოა.
სულ იყვნენ ამ ტიპის გორსალები, მაგრამ ამდენს არ და ვერ ბედავდნენ, ასე “გათამამება” გოიმობით უხერხულია, გარეთ 21-ე საუკუნეა და ყველა ქალაქს და ცხადია ამ ქალაქს – თბილისს თავისი წესი და რიგი ჰქონდა და აქვს და სწორედ ამ წესის და რიგის პატივისცემა და ელემენტარული “წესრიგის” ცოდნა მაწერინებს ამ სტატუსს და არა ნიკა მელიასადმი ჩემი ( ყველასთვის ცნობილი კრიტიკული) დამოკიდებულება, რომელიც არ შეიცვლება.
P.S – რესტორანს “ქვევრს” რომ დაარქმევ “ჯიგარო”, იმას კი არ ნიშნავს, რომ პირდაპირ “ქვევრში” -ჭურში გქონდეს თავი ჩარგული და ასე იცხოვრო და გარეთ წესი და რიგი დაგავიწყდეს ფუ , საზიზღარი სანახავი იყო ეს ყველაფერი! რესტორანი საზოგადოების თავშეყრის ადგილია და არა პირადი სივრცე, ეს მხოლოდ ძალიან გოიმ “ფეოდალებს” ავიწყდებათ”- წერს თაკო ჩარკვიანი.
ამ თემაზე: