აგენტების და აგენტთა მეთაურად დანიშნული აწ უკვე ე.წ. პრეზიდენტის მიერ წარმოებული ეს არნახული მიზანმიმართული, ანტისახელმწიფოებრივი ვაკხანალია აუცილებლად უნდა დასრულდეს სისხლის სამართლებრივი პასუხისმგებლობით, – ასე ეხმიანება ექსპერტი ედიშერ გვენეტაძე სალომე ზურაბიშვილის მიმართვას ელჩებისადმი, სადაც ნათქვამია, „ჩვეულებრივი მოქალაქეებისთვის არა ჩვეულებრივი არჩევნები 26 ოქტომბერს ჩატარდება, მაგრამ თქვენთვის არჩევანის დრო უკვე დადგა“.
ექსპერტის თქმით, სალომე ზურაბიშვილი ჩამოყალიბდა აშკარა კრიმინალად და სახელმწიფოს მოღალატედ, რომელიც ამჯერად ქართულ დიპლომატიურ კორპუსს მოუწოდებს ქართული სახელმწიფოს წინააღმდეგ მოქმედებებისთვის.
„ეს საყოველთაოდ ცნობილი აგენტი და საქართველოში აგენტთა მეთაურად დანიშნული, საკონსტიტუციო სასამართლოს მიერ კონსტიტუციის დამრღვევად და მაშასადამე არალეგიტიმურად ცნობილი პრეზიდენტი, საბოლოოდ ჩამოყალიბდა აშკარა კრიმინალად და სახელმწიფოს მოღალატედ, რომელიც ამჯერად ქართულ დიპლომატიურ კორპუსს მოუწოდებს ქართული სახელმწიფოს წინააღმდეგ მოქმედებებისთვის! საქართველოს პრეზიდენტად წოდებულმა ამ უცხო არსებამ პირდაპირ მიმართა ქართველ ელჩებს, რომ მათ საბოტაჟი მოაწყონ და წინააღმდეგობა გაუწიონ საქართველოს სახელმწიფოს! ამიტომაც ვფიქრობთ – პრეზიდენტის სკამზე მოკალათებული ამ აშკარა დესტრუქციული და პროვოკატორი ელემენტის წინააღმდეგ, საქართველოს სახელმწიფოში უნდა აღიძრას სისხლის სამართლის საქმე! აგენტების და აგენტთა მეთაურად დანიშნული აწ უკვე ე.წ. პრეზიდენტის მიერ წარმოებული ეს არნახული მიზანმიმართული, ანტისახელმწიფოებრივი ვაკხანალია აუცილებლად უნდა დასრულდეს სისხლის სამართლებრივი პასუხისმგებლობით!“ – წერს ედიშერ გვენეტაძე სოციალურ ქსელში.