იმერეთში სტიქიას ებრძვიან. ბაღდათში მდინარე ხანისწყალი ადიდდა და სოფელ ხანში ცენტრალური გზა წაიღო. დატბორილია ზეკარის ქარხანა, მოსახლეობას დაეხოცა ფუტკარი, დაზიანებულია ელექტროგადამცემი ბოძები.
ბაღდათის მერის, კახა ენუქიძის ინფორმაციით, მიმდინარეობს ალტერნატიული გზის გაწმენდითი სამუშაოები, შესაბამისად, არცერთი სოფელი გარე სამყაროს მოწყვეტილი არ დარჩება. მისივე თქმით, შექმნილია სპეციალური კომისია, რომელიც სტიქიისგან მიყენებულ ზარალს დაითვლის.