გერმანიის ფედერაციულ რესპუბლიკაში UEFA-ს 2024 წლის ფეხბურთის ევროპის ჩემპიონატზე, დაცვისა და უსაფრთხოების ღონისძიებებში მონაწილეობის მიღების მიზნით, ბამბერგის სასწავლო ცენტრში საპატრულო პოლიციის დეპარტამენტის თანამშრომლებმა გადამზადება გაიარეს.
ერთობლივ სასწავლო კურსში, სხვა ქვეყნების პოლიციის ოფიცრებთან ერთად, საპატრულო პოლიციის დეპარტამენტის 10 პატრულ-ინსპექტორი მონაწილეობდა. კურსის დასრულების შემდეგ, ისინი გადანაწილებული იყვნენ აეროპორტებსა და რკინიგზის სადგურებში.
პატრულ-ინსპექტორები გერმანელ პოლიციის ოფიცრებს ქართველ გულშემატკივართან ეფექტურ კომუნიკაციასა და მართლწესრიგის დაცვაში უწევდნენ დახმარებას.