ამნისტიის კანონი ჩვენი ინტერესი საერთოდ არ იყო – ირაკლი კობახიძე

364
წაკითხვა/ნახვა
IMG.GE

ამნისტიის კანონის გამოცემა საერთაშორისო პარტნიორების ინიციატივა იყო, – ამის შესახებ „ქართული ოცნების“ თავმჯდომარე ირაკლი კობახიძემ „მთავარი არხის“ ეთერში განაცხადა.

„ამნისტიის კანონი ჩვენი ინტერესი საერთოდ არ იყო არანაირი ფორმით, თუმცა ჩაიწერა შარლ მიშელის შეთანხმებაში. საერთაშორისო პარტნიორები არა მარტო მიუთითებდნენ ჩანაწერზე, არამედ მის მიზანზეც, რომ ეს ფურცელი უნდა გადაშლილიყო და დახურულიყო. ეს იყო მათი მიზანი და ჩვენ მივყვებით ახლა მათ მიზანს. ვიმეორებ, საერთოდ არ გვინდოდა ამნისტიის კანონი არანაირი ფორმით, ეს იყო საერთაშორისო პარტნიორების ინიციატივა, ჩაიწერა და შესაბამისად ვიღებთ ამ კანონს და მივყვებით შარლ მიშელის დოკუმენტს და არც იქით და არც აქეთ ამ კანონის მიმართ ინტერესი არ გვქონია“, – აღნიშნა კობახიძემ.

ამნისტიის შესახებ „ქართული ოცნების“ მიერ წარდგენილ კანონპროექტს პარლამენტმა მეორე მოსმენით მხარი 9 ივნისს დაუჭირა.

კომენტარები
რეკლამა ____________ IMG.GE
მოწონება