ხელვაჩაურის მუნიციპალიტეტმა, საქართველოს მთავრობის მხარდაჭერით და აჭარის ბიუჯეტიდან მიღებული კაპიტალური ტრანსფერით მაღალი გამავლობის, თანამედროვე სტანდარტების შესაბამისი ნაგავმზიდი შეიძინა.
ახალი, თანამედროვე ნაგავმზიდი ხელვაჩაურის მუნიციპალიტეტის მერმა ზაზა დიასამიძემ, საკრებულოს წევრებთან ერთად, ხელვაჩაურის, გამწვანებისა და კომუნალური მომსახურეობის სამსახურს გადასცა.
ახალი ნაგავმზიდი ტექნიკა გაამარტივებს საყოფაცხოვრებო ნარჩენების გატანას ყოველდღიურ რეჟიმში და 11 ადმინისტრაციულ ერთეულს მოემსახურება.
აქამდე, მაჭახელას ადმინისტრაციული ერთეულის სოფლებიდან საყოფაცხოვრებო ნარჩენების გატანას ერთი ერთეული ნაგავმზიდი ახორციელებდა, ხოლო დანარჩენ სოფლებს შპს ” სანდასუფთავება” ემსახურება.
ხელვაჩაურის მუნიციპალიტეტის 64 – ვე სოფელში განთავსებულია ნაგავშემკრები კონტეინერები, რომლის განახლება და ახლით ჩანაცვლება ყოველწლიურად მიმდინარეობს, მიმდინარე წელს, მუნიციპალიტეტის მერიამ 200- მდე ახალ ნაგავშემკრები კონტეინერი შეიძინა.
10,5 კბ მოცულობის, ახალი თვითვმცლელი IVECO – ს მარკის ნაგავმზიდის შესაძენად ბიუჯეტიდან 344 500 ლარი დაიხარჯა.