საქართველოს პრემიერ-მინისტრი ირაკლი ღარიბაშვილი ტეხასის დაწყებით სკოლაში მომხდარ მასობრივ სროლას ეხმაურება და ამერიკელ ხალხს თანაგრძნობას უცხადებს. ამის შესახებ პრემიერი სოციალურ ქსელ „ტვიტერში“ წერს.
„ჩვენ შეძრულნი ვართ ახალი ამბით ტეხასის შტატის უვალდეს დაწყებით სკოლაში საშინელი მასობრივი სროლის შესახებ. ღრმა მწუხარებას გამოვთქვამ და თანაგრძნობას ვუცხადებ ჩემი და თითოეული ქართველის სახელით დაღუპულთა და დაშავებულთა ოჯახებს. ჩვენ ვდგავართ ამერიკელ ხალხთან ერთად ამ მწუხარების დროს,“- აღნიშნავს პრემიერ-მინისტრი.
ბოლო ცნობებით, აშში, ტეხასში, სკოლაში მომხდარი თავდასმის შედეგად 21 ადამიანი მოკლეს, აქედან 19 არის ბავშვი ხოლო 2 ზრდასრული. ლიკვიდირებულია 18 წლის ახალგაზრდა, რომელმაც დანაშაული ჩაიდინა.