პარტია “ხალხის ძალის” წევრი თამარ ჩიბურდანიძე ნაციონალურ მოძრაობაში თავმჯდომარის ცვლილებას ეხმიანება. ჩიბურდანიძე ამბობს, რომ ნაციონალურ მოძრაობაში განვითარებული მოვლენები აკაკი წერეთლის მოგონებას ახსენებს, სადაც სოფლად მცხოვრები კაცი, რომელსაც არავინ სცემდა პატივს, ჩოხას იცვლიდა იმისთვის, რომ საზოგადოების კეთილგანწყობა დაემსახურებინა. მისი თქმით, საზოგადოებისთვის არანაირი მნოშვნელობა არ აქვს ვინ იქნება თავმჯდომარე, რადგან ისინი მკვლელი რეჟიმის შემოქმედები არიან.
“ლევან ხაბეიშვილის თინა ბოკუჩავათი ჩანაცვლებამ, აკაკი წერეთლის მოგონებებიდან ერთი ამბავი გამახსენა სოფლად მაცხოვრებელ კაცზე, რომელსაც ხალხი მისი მენტალობის გამო პატივს არ სცემდა და ახლოს არ იკარებდა.
ეს კაციც ყოველ დღე იცვლიდა ჩოხებს, რომ როგორმე მისაღები გამხდარიყო ხალხისთვის, მაგრამ უშედეგოდ. ერთხელაც აკაკიმ უთხრა, ჩოხას ნუკი იცვლი ძამიკო, ტვინი გამოიცვალე და სინდისს მიხედეო.
ზუსტად ასეა ნაცების საქმეც, რამდენი თავმჯდომარეც არ უნდა შეიცვალონ, თუკი მენტალიტეტი და სინდისი არ შეიცვალეს, აზრი არა აქვს, ხალხი მაინც არ მიიღებს. საზოგადოებისთვის რა მნიშვნელობა აქვს, ვინ იქნება თავმჯდომარე, თუკი ამ პარტიაში იგივე მკვლელი რეჟიმის შემოქმედნი იქნებიან? ერთი ჩერჩეტი კაცი შეცვალეს ლამაზი თოჯინით – სულ ეს არის. ეს კი ისეთივე მარტივი ტრიუკია, რითაც ნაცმოძრაობა მთელი ეს წლებია ერთობა. რა ცვლილებებიც არ უნდა განახორციელონ ნაციონალურ მოძრაობაში, ის მაინც სააკაშვილის სისხლიანი პარტია იქნება და არჩევნების შემდეგ გასამართლებას ვერც ისინი და ვერც სხვა პარტიებში გადაბარგებული სააკაშვილის რეჟიმის პოლიტიკოსები, ვერ აცდებიან”.- წერს ჩიბურდანიძე.
About the Author
