ამერიკის შეერთებული შტატების მხრიდან საქართველოს 30 მოქალაქის დასანქცირებას სოციალურ ქსელში ეხმიანება „ხალხის ძალის“ პოლიტიკური მდივანი მიხეილ ყაველაშვილი. პოლიტიკოსი სახელმწიფო დეპარტამენტს ეკითხება რა იქნებოდა იმ შემთხვევაში, თუ საქართველო მიიღებდა ამერიკის შეერთებულ შტატებში მოქმედი კანონის ანალოგს, გავრცელდებოდა თუ არა ამ შემთხვევაში შეზღუდვები საქართველოს მოქალაქეებზე?
„ერთი კითხვა მაქვს ჩვენს სტრატეგიულ პარტნიორებთან: ზუსტად იგივე კანონი რომ მიგვეღო, სიტყვა-სიტყვით, რაც შტატებში მოქმედებს, ამ გაურკვეველ და დაუკონკრეტებელ სანქციებს მაინც დაგვიწესებდით? “ – წერს Facebook-ზე მიხეილ ყაველაშვილი.