ხელვაჩაურის მუნიციპალიტეტის მერმა ზაზა დიასამიძემ, საქართველოში ჩეხეთის რესპუბლიკის საგანგებო და სრულუფლებიან ელჩთან პეტრ კუბერნატთან შეხვედრა გამართა.
შეხვედრას მერის მოადგილე გიორგი ქარცივაძე, განათლებისა და კულტურის სამსახურის ხელმძღვანელი ქეთევან დევაძე, ჩეხეთის საელჩოს განვითარების თანამშრომლობის კოორდინატორი თეონა რობაქიძე და ეკონომიკური ექსპერტი ირაკლი სვანიძე ესწრებოდნენ.
გაცნობითი ხასიათის შეხვედრა მერიის ადმინისტრაციულ შენობასა და მაჭახელას ეროვნული პარკის ადმინისტრაციაში გაიმართა, ყურადღება გამახვილდა საქართველოსა და ჩეხეთის რესპუბლიკას შორის არსებულ პარტნიორობის ძირითად მიმართულებებზე, ორმხრივი ურთიერთობების განვითარებაზე, ხელვაჩაურის მუნიციპალიტეტთან დამეგობრების საკითხზე და ტურიზმის სფეროში თანამშრომლობის გაღრმავების პერსპექტივებზე.
ჩეხეთის ელჩმა მაჭახელა დაათვალიერა და მაჭახელას დაცული ლანდშაფტის მიერ მომზადებულ პრეზენტაციას დაესწრო.