„ხალხის ძალის“ წევრი, ანალიტიკოსი ზურაბ ქადაგიძე აშშ-ის სახელმწიფო მდივნის გადაწყვეტილებას ქართველი პოლიტიკოსების ნაწილის შესაძლო დასანქცირებასთან დაკავშირებით, თუ გამჭვირვალობის შესახებ კანონზე დადებული ვეტო დაიძლევა, სოციალურ ქსელში ეხმაურება.
„სახელმწიფო მდივნის გადაწყვეტილება არ არის მიმართული იმისკენ, რომ „ქართულმა ოცნებამ“ კანონი გაიწვიოს. როგორ წარმოგიდგენიათ, სანქციებს გიწესებთო – ამ ნათქვამზე ხელისუფლება გამოსულიყო და ეთქვა, კარგი, თუ სანქციებს გვიწესებთ, კანონს გავიწვევთო? ხომ უაზრო ლოგიკაა?
ერთადერთი, რასაც ეს გადაწყვეტილება შეიძლება ემსახურებოდეს, არის სრულად გაბანძებული აგენტურის მხარდაჭერა და მისი სახის ოდნავ მაინც შენარჩუნება.“ – წერს ზურაბ ქადაგიძე.