ფაშინიანი – ირაკლი ღარიბაშვილის ჩართულობით, ჩვენი ქართველი ძმებისა და ევროპელი პარტნიორების წყალობით, ჩვენი 15 მოქალაქე სომხეთში ბრუნდება

534
წაკითხვა/ნახვა
IMG.GE

ირაკლი ღარიბაშვილის ჩართულობით, ჩვენი ქართველი ძმებისა და ევროპელი პარტნიორების წყალობით, ჩვენი 15 მოქალაქე სომხეთში ბრუნდება, – ამის შესახებ სომხეთის რესპუბლიკის პრემიერ-მინისტრობის მოვალეობის შემსრულებელმა, ნიკოლ ფაშინიანმა გეღარქუნიკის რაიონის ქალაქ გავარში სიტყვით გამოსვლისას განაცხადა, სადაც აზერბაიჯანის მიერ გათავისუფლებული სომხეთის 15 მოქალაქის შესახებ ისაუბრა. ინფორმაციას ადგილობრივი მედია ავრცელებს.

„ორი დღის წინ აშშ-ის სახელმწიფო მდივნის თანაშემწე ფილიპ რიკერს შევხვდი, რომლის თქმით, ენტონი ბლინკენის მითითებით, მას ჰქონდა დავალება, მომდევნო დღეებში მიეღწია გარღვევისთვის ტყვეებთან დაკავშირებით. ჩვენ თუ მზად ვიქნებოდით თანამშრომლობისთვის, ისინი საკითხში ჩასართავად მზად იყვნენ. მე ვუთხარი, რომ მზად ვიყავით. შესაბამისად, დღეს განხორციელებული ძალისხმევის შედეგად, მათ შორის პრემიერ-მინისტრ ირაკლი ღარიბაშვილის ჩართულობით, ჩვენი ქართველი ძმებისა და ევროკავშირელი პარტნიორების წყალობით, 15 დატყვევებული სომხეთში ბრუნდება. ისინი საქართველოში აზერბაიჯანიდან „წითელი ხიდის“ გავლით შევიდნენ, ხოლო სომხეთის ტერიტორიაზე უკვე „ბაგრატაშენის“ საკონტროლო-გამშვები პუნქტით შემოვიდნენ. მინდა ვთქვა, რომ ჩვენ რუკებს ტყვეებში არ ვცვლით, მაგრამ ჩვენ ნაბიჯს ნაბიჯითვე ვუპასუხეთ“, – განაცხადა ფაშინიანმა.

საქართველოს პრემიერ-მინისტრ ირაკლი ღარიბაშვილის აქტიური ფასილიტაციითა და ფილიპ რიკერის ჩართულობით, აზერბაიჯანულმა მხარემ კონფლიქტის დროს დაკავებული სომხეთის 15 მოქალაქე გაათავისუფლა.

კომენტარები
რეკლამა ____________ IMG.GE
მოწონება