ღონისძიებას ახმეტის მუნიციპალიტეტის მერი ალექსი ფიცხელაური, აბბა ალავერდელი მიტროპოლიტი დავითი, კახეთის სახელმწიფო რწმუნებული, ირაკლი შიოშვილი და მოწვეული სტუმრები დაესწრნენ.
თუშეთის დაცული ლანდშაფტის ადმინისტრაციის ხელმძღვანელმა, ლადო კახოიძემ წიგნის ,,თუშური ტაბლა“ შესახებ დეტალური პრეზენტაცია წარუდგინა მოწვეულ სტუმრებს.
ა️დგილობრივი და რეგიონული ხელმძღვანელობა, თუშეთის დაცული ტერიტორიების ადმინისტრაცია და ბადაგონის სახლი ალავერდთან ერთად ზრუნავენ თუშური ტრადიციული სამზარეულოსა და ადგილობრივი კულტურის პოპულარიზაციაზე.
წიგნის ,,თუშური ტაბლა“ პრეზენტაციის დასრულების შემდეგ, სტუმრები გაეცნენ თუშურ წეს-ჩვეულებებს, დააგემოვნეს ადგილობრივი კერძები და მოისმინეს ტრადიციული ფოლკლორული ნაწარმოებები.
გაიმართა გამოფენა-გაყიდვა, სადაც წარმოდგენილი იყო:
შეფ-მზარეულის, ნატა ბაიხოიძის მიერ მომზადებული ადგილობრივი კერძები; „ლაგაზი ბეიქერი“-ს გამომცხვარი წითელი დოლის პური;სასოფლო-სამეურნეო კოოპერატივის „ალაზნისთავი“-ს გუდის ყველი;„უშარო“-ს თუშური მცენარეების ჩაი და მურაბები;ადგილობრივი ალუდი და მცენარეული არაყი;თუშური ხელსაქმის სახელოსნო, „მზემოე“-ს მიერ შექმნილი, ტრადიციული ხელსაქმის ნიმუშები.
