დრო მოვიდა, ჩვენი საზოგადოების უმრავლესობა პოლიტიკურ ველზე გამოჩნდეს, ხმა აღიმაღლოს და თავისი პოლიტიკური ნება მკაფიოდ დააფიქსიროს, – ასე ეხმიანება პოლიტოლოგი ლუკა ეხვაია “ქართული ოცნების” მიერ საქართველოს პარლამენტის წინ 29 აპრილს გასამართ საყოველთაო-სახალხო შეკრებას.
მისი განცხადებით, პარლამენტის წინ საზოგადოება უნდა შეიკრიბოს საქართველოს მომავლისთვის, ღირსების, ღირებულებების და მშვიდობის დაცვისთვის.
“დრო მოვიდა, ჩვენი საზოგადოების უმრავლესობა პოლიტიკურ ველზე გამოჩნდეს, ხმა აღიმაღლოს და თავისი პოლიტიკური ნება მკაფიოდ დააფიქსიროს. ორშაბათს, 29 აპრილს, პარლამენტის წინ ვიკრიბებით ჩვენი ქვეყნის მომავლისთვის, ჩვენი ღირსებისა და ღირებულებების დაცვისთვის, მშვიდობისთვის და სუვერენიტეტისთვის. ეს ქვეყანა ჩვენია და ზღაპრის ბოლო ბახმუტი არ იქნება.”- წერს ლუკა ეხვაია სოციალურ ქსელ Facebook-ზე.